Tampilkan postingan dengan label Biografi Tokoh. Tampilkan semua postingan
Tampilkan postingan dengan label Biografi Tokoh. Tampilkan semua postingan

Biografi Suwandi SU.

Posted by Jagading Wacana Label:



Boten kathah ingkang mangertos parjuangan gesangipun bapak 4 anak, Bapak Suwandi ingkang asalipun saking Kebumen. Piyambakipun miyos 12 Juni 1949 saking kulawarga alit ingkang sederhana ananging kebek sih katresnan. Alm. Eyang Karyo Wiguno inggih punika bapak saking bapak Suwandi ingkang kala rumiyin dados perangkat dhusun, lan Alm. Ibu Mukminah inggih menika ibunipun Pak Suwandi inggih menika ibu rumah tangga ingkang wekdalipun dipun paringaken kangge kalawarga putra saha garwanipun.
            Taun 1956 – 1962. Rikala taun menika pak Wandi sekolah wonten SD N 1 Tambakagung, piyambakipun siswa berprestasi kanthi ranking 1 saben tahunipun wiwit kelas 1 dumugi kelas 6 SD. Amargi saking prestasinipun pak Wandi saged mlebet wonten SMP favorit wonten Kabupaten Kebumen inggih menika SMP N 1 Kebumen.
            Taun 1962 – 1965. Jaman sekolah SMP nipun pak Suwandi nitih sepeda saben enjing ingkang tebihipun 8 km, ananging menawi wonten ing mangsa rendheng piyambakipun tindak sekolahipun mlampah.  Margi tumuju wonten sekolah menika kedah ngiwati kali, nalika ngliwati kali kedah numpak gethek, kala-kala nalika numpak gethek gethekipu kemelem woten kali. Ananging ingkang kados kala wau boten dados alasan kangge mbolos sekolah.
            Taun 1965 – 1968. Mentas saking SMP, Pak Suwandi nglajengaken pendidikan wonten SPG ”Sekolah Pendidikan Guru” amargi manut kalihan dhawuhipun tiyang sepuh. Sekolah wonten SPG menika boten perlu bayar amargi Ikatan Dinas. Wonten pengalaman ingkang dipunlampahi Pak Wandi nalika pendaftaran ujian akhir. Piyambakipun nambah naminipun dados Suwandi Siswo Utomo kanthi pangarep-arep piyambakipun dados siswa ingkang utama, saged dados peringkat satunggal. Alhasil donga kasebut dipunijabahi dening Gusti Allah. Piyambakipun dados peringkat 1 wonten SPG wonten wekdalipun.
            Taun 1968 – 1969. Lulus saking SPG tesih kepengin nglajengaken pendidikanipun. Piyambakipun lajeng sekolah wonten PGSLP. Mundhut jurusan Basa Inggris.  Panci usadanipun bapak Suwandi menika boten nate setengah-setengah. Sahingga hasil inggah dipunpikantuk ugi muasaken. Peringkat  1 saangkatan dipunsandhang.
            Taun 1969 – 1973. Pangalaman dados guru GTT wonten SDN  ananging ugi boten namung setunggal SD,   Pak Wandi ugi nate ngasto wonten  SDN 1 Klirong, SDN 1 Jatimalang. Beliau ngamdi tanpa raos pamrih. Gaji dados guru GTT ananmung Rp 500,- saben sesasinipun. Menawi wonten jaman sakmenika Rp 500,- sami kalihan Rp 500.000,- . kangge nyekapi kabetahan ingkang kathah, piyambakipun nyambi nggambar, usaha saking salah setunggaling hobi arupi nggambar  saged nambahi panghasilan. Pak Wandi nggambar manuk garuda kalihan nggambar Pak Suharto, gambar menika dipunakui dening masyarakat lan ditumbas Rp 500,- setunggalipun.
            Taun 1973 - 1975. Taun menika diangkat dados pegawai negeri sipil wonten ing SDN 1 Tambakagung.
            Taun 1975 - 1995. Wonten ing wulan Februari 1975 pindah wonten SD kaliwungu wonten ing kecamatan ingkang tesih sami. Pak Waos ngasto wonten kaliwungu ingkang dangunipun 20 taun.
            Taun 1995 – 1999. Pak Suwandi dipunangkat dados Kepala Sekolah SD Jagasima
            Taun 1999 – 2003. Pak Suwandi dipunsuwun denin SD Kaliwungu supados dados Kepala Sekolah wonten mriku.
            Taun 2003 – 2009. Pak Suwandi dipundhawuhi dados pegawas Kecamatan Petanahan, makarya wonten cabang dinas P dan K Kecamatan Petanahan.
            Taun 2009. Bapak Suwandi pensiun saking pedamelanipun.
            Sedangunipun medamel dados guru, kepala sekolah, lajeng pengawas, bapak Suwandi ugi nyambi dados pengurus wonten Koperasi Mardi Santosa, ugi nate dados Ketua Koperasi Mardi Santosa wonten kalih periode. Salah setunggaling bukti menawi Pak Suwandi peduli dhateng nasib pendidikan inggih menika kanthi ngusadakaken warganipun supados rajin wonten sekolah kanthi mbagi-mbagi mantol gratis dhateng sedaya anggota koperasi. Sahingga boten wonten malih alasan boten mlebet sekolah nalika jawah. Semanten ugi petugas piket wonten koperasi. Sedaya ingkang kejatah piket dipunparingi senter, mantel, kalihan paying supados langkung disiplin. Sanesipun kegiatan ingkang dipunlampahi Pak Suwandi inggih menika dados pengurus PGRI, lajeng dados ketua pilkades, ketua komite SD N 1 Tambakagung. Ngendikanipun bapak Suwandi nalika kula taken kados pundi caranipun njagi kepercayaan masyarakat kagem piyambakipun, pak Wandi ngendika menawi jujur dados modal utamanipun.
            Seniki Pak Wandi sampun pensiun, kangge ngisi wekdal sepuhipun, piyambakipun ternak ayam lan nginggu peksi kangge kegiatan padintenan. Jamaah wonten mesjid, lan ugi pengaosan rutin kangge ngisi wekdal.

Biografi Tokoh
Budi Sih Yuliarini(10205244011)

0 komentar

CARIK SUPER

Posted by Jagading Wacana Label:





Weton Kulon inggih punika salah satunggaling dhusun alit wonten ing kabupaten Kebumen mliginipun wonten ing kecamatan Puring. Dhusun Weton Kulon punika dipun-pimpin dening Kepala Desa utawi Lurah inggih punika Bapak Dasikin kaliyan gadhah carik utawi sekretaris desa inggih punika Bapak Saimin. Dhusun punika saniki langkung majeng amargi usaha-usaha ingkang sampun katindakaken dening pemerintah desa kaliyan masarakatipun.
Bapak Saimin inggih punika carik (sekretaris desa) ingkang sampun ngabdi kaliyan masarakat awit saking taun 1995 dumugi ngantos sak punika. Bapak Saimin miyos wonten ing Kebumen 6 Januari 1960. Putra nomer kalih pasangan Bapak Martodimejo kaliyan Ibu Sukiyem. Bapak Saimin sekolah wonten ing SD Weton Kulon, lajeng wonten ing SMPN 1 Puring lan pendidikan terakhir wonten ing SMKN 1 Kebumen. Bapak Saimin ugi nate kuliyah wonten ing UGM (Universitas Gajah Mada) nanging namung kalih semester amargi Bapakipun boten kiyat ngragadi. amargi nalika semana mas-ipun Bapak Saimin taksih kuliyah wonten ITB (Institut Teknologi Bandung). Saderengipun dados carik, piyambakipun sampun nate makarya wonten ing Kepolisian wonten ing Sulawesi. Nanging piyambakipun boten betah amargi tebih saking keluwarga lan ugi dipun-papanaken wonten ing daerah-daerah ingkang terpencil. Sekitar taun 1990 piyambakipun medal saking padamelanipun lan wangsul wonten ing Kebumen lan dados tani. Nalika wonten pendaftaran carik wonten ing dhusunipun piyambakipun tumut ndhaftar lan alhamdulillah dados.
 Kathah cara-cara ingkang sampun katindakake kangge ningkataken kamakmurane masarakat, wonten ing perkawis ekonomi kaliyan sosial budaya lan ingkang wigati inggih punika babagan pendidikan.Cara ingkang sampun katindakake wonten ing babagan ekonomi inggih punika wontenipun program-program ingkang ngrembakaken ketrampilanipun masarakat kadosta gladhen damel emping mlinjo nalika taun 1998-1999. Sak punika desa dados pusat damel emping mlinjo sasampunipun desa amal. Gladhen damel gula klapa kaliyan sale gedhang, ingkang saged ningkataken ekonomi masarakat.
Sanesipun inggih punika wontenipun program Jamban keluarga taun 2001-2002, program pemugaran rumah tidak layak huni wonten masarakat kirang mampu taun 2010-2011 lan dana punika saking pemerintah daerah kaliyan provinsi. Margi dhusun punika nalika taun 1995-1999 punika taksih lemah, taun 2000-2009 sampun dipun makadam lajeng taun 2010-2012 wonten program aspal. Perkawis punika ndadosaken raga lemah wonten ing sakiwa tengen margi regi nipun inggil. Listrik ugi sampun wonten awit taun 1996 saking usaha ingkang katindakaken masarakat kaliyan pemerintah desa kangge ngawontenaken listrik mlebet dhusun. Ragad ingkang kangge ngawontenaken listrik wonten ing dhusun punika saking swadaya masarakat, boten wonten dana saking pemerintah daerah lan pemerintah provinsi.
Nalika taun 2000 kabupaten Kebumen mliginipun daerah sakiwa tengene Gombong punika wonten musibah banjir bandhang amargi Wadhuk Sempor punika jebol. Kathah kecamatan ingkang karendhem, dhusun-dhusun ical lan jembatan-jembatan sami risak. Dhusun Weton Kulon ugi sami, wilayah dhusun wonten ing sisih ler punika kebanjiran lan jembatanipun risak. Sasampunipun banjir pemerintah desa sampun ngupaya kangge nyuwun dana wonten ing pemerintah daerah nanging boten wonten tanggepan amargi pemerintah daerah boten wonten dana. Lajeng nalika taun 2010 Bapak saimin ingkang aktif kangge ningkataken kamakmurane masarakat ngajukaken panyuwunana dana wonten ing peperintah pusat, kangge mbiyayai jembatan kasebat inggih punika 1,5 miliyar. Jembatan punika langkung wigatos amargi jembatan punika salah satunggaling jembatan ingkang utama kangge nggayutaken antawisipun kecamatan Puring kaliyan Buayan lan jembatan punika kangge jalur alternatif Jogja Cilacap menawi ngangge jalur tengah.
Prinsipipun Bapak Saimin punika “Nglayani masarakat kanthi prima 24 jam wonten babagan administrasi kaliyan kemasarakatan”. Nalika kula nyuwun pirsa babagan susah kaliyan bungahipun dados carik, Bapak Saimin gadhah wangsulan kados punika, “ sing jenenge pengabdiyan ya akeh suka dukane, sebagai ujung tombak pemerintahan karo ujung tombok. Kenapa ujung tombok? Ya mergane apa-apa kurang warang-wurung ya Pamong. Upaeh ya esih nang ngisor UMR, maksude Bengkok (sawah ingkang dipun-olah nalika njabat dados carik) ora sesuai karo UMR lan pemerintah ya urung ana perhatian karo masalah kuwe.”

Dening WIJI BUDI LESTARI
NIM 10205244021

0 komentar

Tiyang Sanes Menika Nyebut Kula “Pahlawan Tanpa Tanda Jasa”

Posted by Jagading Wacana Label:



Bapak Samidi saweg maringi penghargaan kangge siswa teladhan
Pendidikan menika kagolong kabetahan ingkang pokok. Pendidikan menika saged beta kemajenganipun Bangsa tumuju arah ingkang langkung sae. Kados mekaten kinten-kinten prinsip ingkang kiyat ingkang dipunkagungi kaliyan sosok priya ingkang naminipun Bapak Samidi. Bapak Samidi kagolong sosok ingkang majengaken pendidikan mliginipun sekolah-sekolah dasar wonten ing Kabupaten Kebumen. Boten namung wonten ing dunnya pendidikan, Bapak Samidi ugi peduli sanget kaliyan bidang kemasyarakatan. Bapak Samidi lair wonten ing Sleman tanggal 4 Desember 1957, piyambakipun anak ketiga saking gangsal paseduluran. Bapak Samidi menika Bapak saking sekawan putra lan putri inggih menika Mei, Prabowo, Yuli lan Setya. Garwanipun inggih mneika Ibu Hartati, ingkang sami-sami makarya wonten ing pendidikan mliginipun ugi sekolah dasar.
Bapak Samidi menika alumni taun 1997 saking Universitas Negeri Surakarta (UNS) kanthi mendhet jurusan Pendidikan Sekolah Dasar. Bapak Samidi ngendhika “lare-lare menika tunas-tunas bangsa ingkang langkung wigati sanget kangge kemajenganipun bangsa. Menawi pendidikan sekolah dasaripun sampun majeng, insyallah kangge pendidikan ingkang salajengipun langkung sae.” Putra saking almarhum Parto Wiharjo kalian almarhum Ibu Suratmi menika ngendhika menawi piyambakipun gadhah pepenginan kangge majengaken pendidikan kanthi dalan dados guru amargi rikala rumiyin Bapak Samidi tasih alit menika pagesangan ekonominipun kirang. Piyambakipun sampun dipuntilar Ibu minangka kelas sekawan sekolah dasar. Amargi kekirangan ekonomi menika piyambakipun nate badhe boten nglajengaken sekolah dasar. Ananging almarhum Ibunipun nate ngendhika menawi Bapak Samidi menika kedah sekolah ngantos inggil. Amargi mekaten piyambakipun gadhah tekat ingkang kiyat kangge nglajengaken sekolah dumugi perguruan tinggi.

Kegiatan lare-lare sekolah dasar

Bapak Samidi nalika maringi penghargaan kangge karyawan berprestasi
Sakmenika Bapak Samidi ngasto wonten ing Sekolah Dasar Negeri 2 Kalirejo kanthi jabatan Kepala Sekolah. Bapak Samidi anggenipun jabat dados kepala sekolah menika sampun periode kaping kalih. Periode pertama wonten ing Sekolah Dasar Negeri 1 Depokrejo. Amargi kinerjanipun ingkang sae, piyambakipun dipunangkat malih dados kepala sekolah. Bab mekaten dados bungahing manahipun Bapak Samidi amargi pengangkatan kepala sekolah periode kalih, wonten ing Kabupaten Kebumen menika namung kalih tiyang  ingkang dipunangkat malih dados kepala sekolah. Salah satunggalipun inggih menika Bapak Samidi. Ibu Muslihatun Salah stunggaling guru SD Negeri 1 Depokrejo ngendhika “Bapak Samidi inggih menika sosok kepala sekolah ingkang sae. Rumuyin sekolah menika kondisinipun saged dipunsebat prihatin sanget. Kathah tiyang sepuhipun lare-lare alit ingkang badhe nyekolahaken lare-lare boten pitados pendidikan larenipun wonten ing sekolah menika. Aninging rikala Bapak Samidi jabat dados kepala sekolah kondisinipun sekolah menika sansaya sae. Samenika kathah tiyang sepuh ingkang pitados pendidikan larenipun wonten ing sekolah menika. Wonten kejadian ingkang boten kula supeaken inggih menika rikala lare-lare alit sami daftar mlebet sekolah, kathah sanget ingkang daftar.
Bapak Samidi nalika rapat musyawarah dhusun wonten ing kelurahan

         Prestasi-prestasi ingkang sampun dipunpikatuk kaliyan Bapak Samidi inggih menika taun 2009 menika piyambakipun dados juara kalih guru teladan tingkat sekolah dasar wonten ing Kabupaten Kebumen. Bapak Samidi ugi asring dipun percaya dados ketua panitia lan panitia wonten ing seminar-seminar utawi pelatihan kangge guru-guru tingkat sekolah dasar. Piyambakipun ugi dipunpercaya dados pengelola keuangan kopersi guru-guru sekolah dasar. Wonten ing periode kalih menika Bapak samidi ugi saged beta sekolahipun inggih menika SD Negeri 2 Kalirejo wonten arah ingkang sae. Sekolah menika saged pikantuk juara kalih tingkat kabupaten sekolah teladan lan sekolah tuladha kangge sekolah-sekolah dasar se-Kabupaten Kebumen.
          Bapak samidi ugi dipunpercaya dados komite wonten ing Taman Kanak-Kanak Tamansari lan SMP N 4 Kebumen. Boten namung terkenal wonten ing pendidikan piyambakipun ugi dados tuladha wonten ing masyarakat. Piyambakipun sampun dipercaya kaliyan masyarakat dados ketua RT kirang langkung 25 taun. Wonten ing dhusunipun Bapak Samidi ugi saged nyuksesake program-program pemerintah kadosta PMPM Mandiri, Program Usaha Tani lan Program bantuan kangge kaluwarga boten gadhah.

BIOGRAFI TOKOH 
Dening : Leni Tri Yulianingsih (10205244016)

0 komentar
Posted by Jagading Wacana Label:

JIWA SENI ING SANUBARI SLAMET HARYADI TANSAH MUBAL
Foto Bp. Slamet Haryadi ingkang nembe dados dalang
Bapak Slamet utawi jangkepipun Bapak Slamet Haryadi S.pd ingkang gadhah raos jiwa seni wonten salebeting sanubari ingkang sampun rinaket kawit rumiyin. Kelairanipun Bapak Slamet Haryadi menika wonten Gunung Kidul, 12 september 1953 ingkang asli saking tlatah dhusun Wiladeg, desa Wiladeg karangmojo Gunung Kidul Yogyakarta.
Bapak Slamet Haryadi kawit cilik menika ngangsu kawruh wonten ing SD taun 1966. Lajeng dipun lajengaken wonten ing SMP taun 1969 saha wonten SMA taun 1972. Amargi pendidikan menika wigati sanget tumrap bapak Slamet Haryadi nglajengaken anggenipun ngangsu kawruh wonten ing IKIP Kristen Satyawacana Salatiga taun 1976, mboten mandeg wonten ing sarjana muda bapak Slamet Haryadi nglajengaken anggenipun ngangsu kawruh wonten ing IKIP Yogyakarta taun 2000 ingkang samenika sampun dados UNY.
Saking ngangsu kawruhipun bapak Slamet haryadi menika kathah ngelmi-ngelmi ingkang dipun angsalaken saking penidikan utawi jawi pendidikan kangge dipun cak – cakaken dening bapak Slamet Haryadi saha wonten panggesangan social. Alhamdullilahipun amargi saking menika wau bapak Slamet Haryadi saged dados guru wonten ing SPG BOPKRI Ponjong saking taun 1976-1991 lajeng dipun pindah wonten ing SMA Bhinakarya II Wonosari 1991-1992 namung setunggal taun. Bapak Slamet ingkang gadhah dedikasi menika dipun pindah saking guru dados Penilik Kebudayaan Kandepbud Gunungkidul taun 1992 – 2001 (9 taun). Lajeng dipun pindah dados Kepala Cabang Dinas Pendidikan Kecamatan tepus saking taun 2001 – 2007. Wonten ing lampahing wekdal Bapak Slamet Haryadi menika dipundadosaken Kepala UPT TK / SD kecamatan Gedangsari  saking taun 2007 ngantos 2009 lajeng  dipunpindah wonten ing Semanu inggih taksih sami jabatanipun inggih menika dados Kepala UPT TK / SD  saking taun 2009 ngantos purna inggih ( 8 sasi ).
Wonten ing panggesangan saking pendidikan, bapak Slamet Haryadi menika inggih remen kaliyan donya seni budaya saking dhalang, tari, wayang uwong, saha mlebet organisasi ingkang taksih wonten gegayutanipun kaliyan seni budaya. Gegandhengan bapak Slamet Haryadi menika “Multitalenta” wonten ing dalemipun pak Slamet menika wonten sanggar pedalangan pangalasan ingkang samenika deados Pembina saha pendiri saking taun 1999 ngantos samenika.


Foto Sanggar Pedalangan Pangalasan
Salajengipun Bapak Slamet menika inggih dados guru tari saking taun 1974 – 2004 amargi bapak Slamet menika inggih dados pendiri Wayang Wong  “Kendalisada” wonten ing karangmojo saking taun 1995 saha pendiri seni karawita  “Laras Jawi” wiladeg ingkang tasih eksis ngantos samenika.
Foto Sanggar Karawitan “Laras Jawi”
                             
               
                      Foto Bp. Slamet rikala beksan  Ringgit Tiyang
                                                     

                       Foto kethek Ogleng, Bp. Slamet Haryadi wonten ing sisih kiwanipun Kethek Ogleng.

 Sasnesipun dados pendiri sanggar Bapak Slamet menika inggih tumut Dalang wayang Purwa saking taun 1984, dalang wayang Beber saking taun 2003, Pelestarian kethek Ogleng, pengurus PEPADI (persatuan pedalangan Indonesia)Komda Gunungkidul, pengurus Dewan Kebudayaan kabupaten Gunungkidul, Pengurus Dewan kesenian kabupaten Gunungkidul. Wonten ing wekdal – wekdal punika asring pentas ringgit tiyang wonten ing taman budaya,Ngayogyakarta saha pentas kethek Ogleng wonten ing kitha – kitha ageng (Jakarta, Surabaya lsp.) . Saking menika wau Para guru MGMP kabupaten Gunungkidul menika asring latihan wonten ing sanggar karawitanipun bapak slamet.
Saking kenthelipun saha remenipun wonten ing donya seni kabudayan menika bapak Slamet Haryadi wonten ing tanggal 12 ngantos 15 januari 2008 menika dipundadosaken Duta Seni Indonesia wonten ing Myanmar wonten ing acara Festival wayang ASEAN inggih menika Pentas Wayang Beber. Saha Pikantuk penghargan saking Menteri Kebudayaan dan Pariwisata Republik Indonesia taun 2008, 10 Desember dados Pelestari dan Penembang Warisan Budaya.


BIOGRAFI TOKOH
Dening : Widha Prastawa (10205244005)



0 komentar
Langganan: Postingan (Atom)