Tampilkan postingan dengan label Pawartos. Tampilkan semua postingan
Tampilkan postingan dengan label Pawartos. Tampilkan semua postingan

Syukuran Syahipun UUK Kraton Ngayogyakarta

Posted by Jagading Wacana Label:



Kagem wujud rasa syukur  awit sampun disyahken RUUK DIY dhados UUK Kraton Ngayogyakarta Hadiningrat ugi ngadhani asicara Syukuran keistimewaan ngayogyakarta hadiningrat ,jumat 12 oktober 2012 wonten ing pagelaran Kraton Ngayogyakarta Hadiningrat .adicara menika dirawuhi kaliyan Sri sultan HB X ,Sri Pakualam IX sakaluarga ,Walikota lan bupati sak tlatah ngayogjakarta uga Ormas lan elemen-elemen masyarakat ngayogyakarta ingkang mlebet wonten ing densus 57 Jogja Istimewa ingkang antawisipun (FJR,GRIB,BANSER,PAKSI KATON,FKPPI,SAR,BMI,BAMPER,PEMUDA GOLKAR,PAREANOM,GERAM,SONGSONG BUWONO .Lsp) ingkang kala semanten paling gigih ing lapangan kagem nuntut dipun syahaken RUUK DIY menika.
Wonten ing adicara menika ugi diwontenaken donga sesarengan ingkang dipun pandegani dening 5 tokoh agama ingkang kalebet wonten ing gerakan kerukunan umat beragama. Salajengipun adicara menika dipun pungkasi kanthi dhahar kembul sesarengan lan jabat asta ingkang kagem wujud selamat kagem Sri SULTAN HB X lan SRI PAKUALAM IX awit sampan disyahken dadhos Gubernur lan wakil gubernur DIY.

PAWARTOS 
DENING : FAIZAL RAHMAT

0 komentar

Sunset ing Klirong Kebumen Ora Kalah karo Pulau Dewata

Posted by Jagading Wacana Label:



S
unset biasane diartekake padha karo sumuruping surya ana ing pesisir. Pangerten kaya kuwi ateges sunset ana ing pikiran umum, ananging satenane kurang trep yen diartekake kaya kuwi amarga sunset kuwi bisa ana ngendi wae. Sumuruping surya kuwi ora kudu dideleng saka pesisir utawa pantai nanging uga bisa dideleng saka sawah. Kaya sore ing dina kepungkur nalika  jam 16.35 WIB, Jum’at, 26 Oktober 2012 sunset tansah endah bunder memet kaya bal seka emas. Ana ing dalan tengah sawah sak Lor-e kantor pos Klirong sunset keton endah kang kaendahane ora kalah karo sunset ana ing Pulau Dewata,  anane sunset tansaya nggawe bombonge ati marang keagungane Gusti Allah kang Maha Endah. Sunset kuwi mau bisa dideleng mawi mripat telanjang ora perlu nganggu alat bantu liyane, serta jelas banget. Sunset kang ana ing Desa Klirong Kebumen bisa mbuktekaken yen taksih akeh alam padusunan kang edi. Apa kang ana kuwi kudu dijaga amarga pansen saktenane kaendahan alam mesti bakal ana gandheng cenenge karo gesange manungsa sahingga ayok dijaga bebarengan kanggo kabecikane kabeh.
STRAIGHT NEWS
Dening
Budi Sih Yuliarini (10205244011)

0 komentar

Idul Adha Mbludak

Posted by Jagading Wacana Label:



Jumat 26/10/2012        Suwuk salah satunggaling Pantai ing Kebumen menika, kala riyaya bada Idul Adha rame sanget. Kathah ingkang sami dolan utawa namung refresing sareng kulowarga utawa kanca-kanca. Parkiran mobil lan motor kebak sedanten. Ameh mirip kaliyan kala bada Idul Fitri.

“Nembe lebaran Idul Adha kiye mba. Mule taun kiye rame banget. Kiye ya ora nyangka, malah perkiraan ramene mule dina setu minggu. Adan taun 2012 ya ora rame kaya kiye. Malah sepi.” Ngendikane Pak Yahya minangka Kepala obyek wisata suwuk nalika dipunwawancara.
Pengunjung nalika Idul Adha iki pancen kathah sanget. Petugasipun sami ngantos kuwalahan ngadani para pengunjung wau. Amarga mboten sami nyana menawi dinten menika bakal rame. Dipunbandhingaken kaliyan taun-taun kepungkur, taun 2012 iki paling rame. Asiling karcis nganti 6yuta. Biyasane 4yuta wau asiling karcis seminggu wonten Suwuk. Nanging bada menika 6yuta kanggo asil karcis awit jam 1 ngantos sonten  kinten-kinten jam 5.30. Asiling dana karcis Pantai Suwuk saben taunipun menika saged nutup dana APBD Kabupaten Kebumen saking 9 obyek wisata ingkang wonten. Pantai Suwuk menika pancen saweg kondhang wonten ing Kebumen. Jumlahipun pengunjung saben taun langkung nginggil lan ngluwihi pathokan (target) ingkan dipuntetepaken dening pemerintah daerah.

Pawartos 
Dening : Wiji Budi Lestari (10205244021)

0 komentar

WONOKROMO, GUMEBYAR TAKBIR

Posted by Jagading Wacana Label:



doc. Widha Prastawa
  Malem takbiran wonten ing Desa Wonokromo Kecamatan Pleret Bantul, Yogyakarta (26/10/2012) ingkang dipun sengkuyung saking Karang Taruna Desa Wonokromo, Pemerintah Desa saha fatigon menika kraos gumebyar sanget. Amargi kathah arak – arakannipun kanthi benten – benten tema saking dusun setunggal kaliyan dhusun sanesipun.
   “Maskot” ingkang dipunarak inggih sae saha “kreatif” sanget. Miturut ketua panitia inggih menika Mas Ardiansyah rute ingkang dingge takbiran menika saking Demangan ingkang paripurna wonten ing Balaidesa Wonokromo. Saking Demangan ngantos Balaidesa Wonokromo kirang luwihipun 3 km.  
doc. Widha Prastawa
   Takbiran menika ingkang ndherek inggih menika saking dhusun Ketonggo, Jati, Pandes 1, Pandes 2 saha Brajan. Ingkang dherek wonten ing malem takbir menika gratis mboten dipun suwuni arta. Juara saking menika wau dipun pendhet  juara 1,2,3 saha juara harapan 1 saha 2. Ingkang Dasos “kriteria” samangke ingkang dados juara inggih menika: lafal takbir,  Keatifitas, ketertiban, saha kompakipun. Acara samenika kathah ingkang mirsani saking para balita dumugi para sepuh. Kathahipun ingkang mirsani inggih menika saking pinggiring mergi ingkang sami jejer saking Demangan dumugi Balaidesa Wonokromo. Acara ingkang dipunwonteni saking pengurus Desa Wonokromo menika sae saha saget ngolah kreatifitas ingkang tumut wonten ing acara menika.
Pawartos
Dening : Widha Prastawa (10205244005)



0 komentar

Tarling Ngrameaken Wengi Idhul Adha

Posted by Jagading Wacana Label:


Gambar kahanan
KEBUMEN- Siswa sekolah dasar wonten ing Kecamatan Kebumen ndherek ngrameaken wengi Idhul Adha wonten ing tarling utawa takbir keliling. Takbir keliling ingkang kalangsungaken Rabu, 25 Oktober 2012 kawontenaken ing UPT Dinas DIKPORA unit Kecamatan Kebumen. Takbir keliling menika inggih salah satunggaling rangkaian saking adicara Idhul Adha. Kawontenanipun acara menika inggih saking kasilipun rapat musyawarah guru pendidikan agama Islam sak-Kecamatan Kebumen tanggal 6 Oktober 2012 wonten ing SD Panjer 2 Kebumen. 
       Takbir keliling dipunwiwiti wanci 18.30 WIB kanthi  budhalipun wanci 19.30 WIB. Rute ingkang dipunginakaken inggih menika saking UPT Dinas DIKPORA unit Kecamatan Kebumen tumuju dalan pemuda, lajeng dalan cendrawasih, dalan Kutoarjo, dalan cincin kota, dalan mertokondo, ingkang pungkasan mbalik malih wonten ing UPT Dinas DIKPORA unit Kecamatan Kebumen ing dalan Pemuda. Wonten ing takbir keliling menika kita saged mriksani maneka warni kendaraan ingkang dipunginakaken sekolah-sekolah dasar kasebut. Wonten ingkang ngginakaken mini bus, mobil bak, lan mobil biyasa. Wonten sekolah-sekolah dasar ingkang mbeta obor lan alat-alat rebana.
      Ketua kalih acara kasebut, Bapak Maskhur A.Ma ngendhika “ancasipun acara kasebut inggih menika kangge ningkataken iman lan takwa mring Gusti Allah SWT salah satunggalipun kanthi cara ngawontenaken adicara Idhul Adha. Salah satunggalipun acara kasebut ingggih menika takbir keliling. Dana acara kasebut asalipun saking infak siswa-siswi SD sak-Kecamatan Kebumen, infak guru-guru Agama utawi kepala sekolah wonten ing Kecamatan Kebumen lan infak karyawan karyawati UPT Dinas Dikpora Unit Kecamatan Kebumen.”
Gambar Kahanan 
       Adicara ingkang saben taunipun dipunkawontenaken menika ingkang ndherek udakara 1800 siswa sekolah dasar wonten ing Kecamatan Kebumen. Acara takbir keliling punika dipunwiwiti kanthi pambuka, pambagya harja saking ketua panitia ingkang dipunwakilaken kalian ketua II, pambagyaharja camat Kebumen, lajeng pemberangkatan kanthi dipunpimpin doa. Wonten ing takbir keliling menika ugi dipun kawontenaken doorprize sasampunipun para peserta takbir keliling dumugi malih wonten ing UPT Dinas Dikpora unit Kecamatan Kebumen antawispun wanci 20.30 WIB. Sasampunipun acara doorprize kasebut, acara takbir punika lajeng dipunpungkasi wanci 21.00 WIB. 
   Wonten ing wengi sakderengipun, inggih punika Rabu 24 Oktober 2012 sampun dipunkawontenaken Mujahadah wonten ing Mushola UPT Dinas Dikpora Kecamatan Kebumen. Sedaya adicara Idhul Adha menika dipun pungkasi kalian penyembelihan kewan kurban. Daging kewan kurban punika badhe dipunbagekaken kangge siswa-siswi SD wonten ing Kecamatan Kebumen. Ketua kalih acara kasebut, Bapak Maskhur A.Ma ngendhika “Saben SD pikantuk 5 kantong plastik”.

 Pawartos 
Dening : Leni Tri Yulianingsih (10205244016)

0 komentar
Langganan: Postingan (Atom)