Tiyang Sanes Menika Nyebut Kula “Pahlawan Tanpa Tanda Jasa”

Posted by Jagading Wacana Label:



Bapak Samidi saweg maringi penghargaan kangge siswa teladhan
Pendidikan menika kagolong kabetahan ingkang pokok. Pendidikan menika saged beta kemajenganipun Bangsa tumuju arah ingkang langkung sae. Kados mekaten kinten-kinten prinsip ingkang kiyat ingkang dipunkagungi kaliyan sosok priya ingkang naminipun Bapak Samidi. Bapak Samidi kagolong sosok ingkang majengaken pendidikan mliginipun sekolah-sekolah dasar wonten ing Kabupaten Kebumen. Boten namung wonten ing dunnya pendidikan, Bapak Samidi ugi peduli sanget kaliyan bidang kemasyarakatan. Bapak Samidi lair wonten ing Sleman tanggal 4 Desember 1957, piyambakipun anak ketiga saking gangsal paseduluran. Bapak Samidi menika Bapak saking sekawan putra lan putri inggih menika Mei, Prabowo, Yuli lan Setya. Garwanipun inggih mneika Ibu Hartati, ingkang sami-sami makarya wonten ing pendidikan mliginipun ugi sekolah dasar.
Bapak Samidi menika alumni taun 1997 saking Universitas Negeri Surakarta (UNS) kanthi mendhet jurusan Pendidikan Sekolah Dasar. Bapak Samidi ngendhika “lare-lare menika tunas-tunas bangsa ingkang langkung wigati sanget kangge kemajenganipun bangsa. Menawi pendidikan sekolah dasaripun sampun majeng, insyallah kangge pendidikan ingkang salajengipun langkung sae.” Putra saking almarhum Parto Wiharjo kalian almarhum Ibu Suratmi menika ngendhika menawi piyambakipun gadhah pepenginan kangge majengaken pendidikan kanthi dalan dados guru amargi rikala rumiyin Bapak Samidi tasih alit menika pagesangan ekonominipun kirang. Piyambakipun sampun dipuntilar Ibu minangka kelas sekawan sekolah dasar. Amargi kekirangan ekonomi menika piyambakipun nate badhe boten nglajengaken sekolah dasar. Ananging almarhum Ibunipun nate ngendhika menawi Bapak Samidi menika kedah sekolah ngantos inggil. Amargi mekaten piyambakipun gadhah tekat ingkang kiyat kangge nglajengaken sekolah dumugi perguruan tinggi.

Kegiatan lare-lare sekolah dasar

Bapak Samidi nalika maringi penghargaan kangge karyawan berprestasi
Sakmenika Bapak Samidi ngasto wonten ing Sekolah Dasar Negeri 2 Kalirejo kanthi jabatan Kepala Sekolah. Bapak Samidi anggenipun jabat dados kepala sekolah menika sampun periode kaping kalih. Periode pertama wonten ing Sekolah Dasar Negeri 1 Depokrejo. Amargi kinerjanipun ingkang sae, piyambakipun dipunangkat malih dados kepala sekolah. Bab mekaten dados bungahing manahipun Bapak Samidi amargi pengangkatan kepala sekolah periode kalih, wonten ing Kabupaten Kebumen menika namung kalih tiyang  ingkang dipunangkat malih dados kepala sekolah. Salah satunggalipun inggih menika Bapak Samidi. Ibu Muslihatun Salah stunggaling guru SD Negeri 1 Depokrejo ngendhika “Bapak Samidi inggih menika sosok kepala sekolah ingkang sae. Rumuyin sekolah menika kondisinipun saged dipunsebat prihatin sanget. Kathah tiyang sepuhipun lare-lare alit ingkang badhe nyekolahaken lare-lare boten pitados pendidikan larenipun wonten ing sekolah menika. Aninging rikala Bapak Samidi jabat dados kepala sekolah kondisinipun sekolah menika sansaya sae. Samenika kathah tiyang sepuh ingkang pitados pendidikan larenipun wonten ing sekolah menika. Wonten kejadian ingkang boten kula supeaken inggih menika rikala lare-lare alit sami daftar mlebet sekolah, kathah sanget ingkang daftar.
Bapak Samidi nalika rapat musyawarah dhusun wonten ing kelurahan

         Prestasi-prestasi ingkang sampun dipunpikatuk kaliyan Bapak Samidi inggih menika taun 2009 menika piyambakipun dados juara kalih guru teladan tingkat sekolah dasar wonten ing Kabupaten Kebumen. Bapak Samidi ugi asring dipun percaya dados ketua panitia lan panitia wonten ing seminar-seminar utawi pelatihan kangge guru-guru tingkat sekolah dasar. Piyambakipun ugi dipunpercaya dados pengelola keuangan kopersi guru-guru sekolah dasar. Wonten ing periode kalih menika Bapak samidi ugi saged beta sekolahipun inggih menika SD Negeri 2 Kalirejo wonten arah ingkang sae. Sekolah menika saged pikantuk juara kalih tingkat kabupaten sekolah teladan lan sekolah tuladha kangge sekolah-sekolah dasar se-Kabupaten Kebumen.
          Bapak samidi ugi dipunpercaya dados komite wonten ing Taman Kanak-Kanak Tamansari lan SMP N 4 Kebumen. Boten namung terkenal wonten ing pendidikan piyambakipun ugi dados tuladha wonten ing masyarakat. Piyambakipun sampun dipercaya kaliyan masyarakat dados ketua RT kirang langkung 25 taun. Wonten ing dhusunipun Bapak Samidi ugi saged nyuksesake program-program pemerintah kadosta PMPM Mandiri, Program Usaha Tani lan Program bantuan kangge kaluwarga boten gadhah.

BIOGRAFI TOKOH 
Dening : Leni Tri Yulianingsih (10205244016)

0 komentar

Gathutkaca Dadi Jagone Dewa

Posted by Jagading Wacana Label:

          


Gathutkaca kuwi putrane Raden Wrekudara, Ibune asmane Dewi Arimbi. Raden Gathutkaca jenenge ora mung siji, jeneng liyane ya kuwi : Tutuka, Purubaya, Arimbiatmaja, Krincingwesi, Guruputra, Surya Narada, Senaputra, Bendarares. . Kasatriyane ing Munggulpawenang. Raden Harya Wrekudara duwe sadulur lima sadheweke. Kang barep jenenge Puntadewa, angka loro Bhima, angka telu Premadi ya Raden Harjuna, papat Raden Nakula Ian kalima Raden Sadewa. Kadang lelima kuwi diarani Satriya Pandhawa. Pandhawa tegese putrane Prabu Pandhu. Dewi Arimbi putrane Prabu Tremboko ing Negara Pringgadani. Tunggale ya ana lima, yakuwi : Arimba, Arimbi, Brajadenta, Brajamusthi Jarnusthi Ian Kala Bendana.
Nalika lair, Gathutkaca awujud buta. Raden Wrekudara sakadang Pandhawa padha lingsem, dene duwe anak kok wujud buta. Penggalihe padha susah. Mula, banjur ambudi daya bisane malih dadi bagus, ora wujud buta. Cara saiki diusadani ngganggo oprasi plastik.
Kacarita, ing Kahyangan para dewa padha susah asline. Prabu Pracona kepengin gawe rusake Kahyangan. Dielikake ora kena. Ditandhingi perang, para dewi ora kuwawa ( kalah ). Sang Hyang Bathara Guru banjur nimbali kabeh para dewa. Kabeh kadhawuhan ngupaya jago kang bisa ngundurake Kala Pracona, syukur bisa nyirnakake memala. Kabeh ora oleh wewengan pangesthine Dewa, yakuwi Bathara Narada, kadhawuhan nganglang jahad, bokmanawa ana satriya kang gentur tapane, kuwawa nyirnakake Kala Pracona. Sang Hyang Narada terus budhal menyang ngarcapada nggolek jago.
Satriya Pandhawa padha gentur tapa, honing tapa kang disuwun muga sirnaa kang dadi memala. Mernalane yakuwi jabang bayi kang awujud reksasa. Samono uga Dewi Arimbi. Dewi Arimbi gentur tapa sinambi nunggoni jabang bayine. Putrane dijenengake Raden Tutuka. Saking gesturing tapane satriya Pandhawa, nuwuhake gara – gara. Sang Hyang Narada weruh saka ngakasa tejane wong gentur tapa. Langit kelap – gelap, bumine gonjing, gunung manggut – rnanggut. Segera kocak, udan salah mangsa. Kaprabawan anane gara-gara, Sang Hyang Narada bae ora bisa mudhun ing ngarcapada. Bareng priksa yen kang menu Brata Satriya Pandhawa, Ing didhawuhi anjugarake tapane. Pangesthine katarima ing dewa. Panyuwune diijabahi derung Bathara.

Faizal Rahmat (08205244001)

0 komentar

Kanggo Pakurmatan lan Ngiring Latihan Perang

Posted by Jagading Wacana Label:




Ing kraton kuwi gamelan dadi piranti sing penting kanggo ngiringi upacara-upacara sing wes baku dadi pranatan. Ana gamelan sekaten kanggo upacara sekaten ing sasi Mulud. Ana gamelan rancak pepak laras pelog slendrokanggo ngiring gendhing, tari lan wayang. Ana siji maneh yaiku sing diarani Gamelan Carabalen.
Gamelan carabalen uga tinemu ing Kraton Yogyakarta, Pura Mangkunagaran lan Pura Pakualaman. Nanging yen ana Mangkunagaran lan Pakualaman ora nduweni gamelan sekaten amarga gamelan iki mung dadi kagungan Dalem karaton Surakarta apadene Ngayogjakarta.
Wujud cakrike gamelan iki ora beda kaya liyane. Mung bae yen liyane bisa saka tembaga utawa perunggu nanging Gamelan Carabalen saka wesi ules ireng lan garapane rada kasar. Dene rancakane dumadi saka gambyongan, kenong, kendhang wadon, klenangan lan gong. Larase kanggo laras pelog. Kendhang wadon kuwi meh sairib kaya kendhang Bali lan unine monoton.
Nganti saiki Gamelan Carabalen isih tetep digunakakekanggo ngiringi upacara-upacara tradhisi sing wis dadi pranatan karaton apadene pura. Nanging wis ora kaya biyen maneh. Yen saiki paling-paling mung kanggo ngiring metune gunungan sekaten apadene ing upacara jumenengan lan tingalan dalem sang nata.
Gamelan Carabalen sing ana Kasunan lan Mangkunagaran kuwi beda banget cakrike. Yen ing Mangkunagaran luwih gedhe. Saben gamelan rancakane digawemligi sing bisa dipikul kanggo ngiring yen ana acara metu saka kadhaton apadene pura. Mula saka kuwi ing rancakane iki mesthi ana wesine la nana slup-slupane kanggo nglebokake pring sing kanggo pikulan.
“Gamelan Carabalen iki senajan ora pepak kaya gamelan sing umum nanging duweni kelungguhan mligi sing ora kalah penting”, mangkono katrangane Ngabehi Wiromartono, sawijining abdi langen Praja Mangkunagaran marang PS> Ngabehi Wiromartono utawa jeneng asline karan Mbah gimin nambahaken Manawa Gamelan Carabalen iki larase sanajan pelog nanging rada beda. Rada ngungkung lan rada gedhe.iki ana sambung rapete karo kawibawane sang nata utawa kanjeng Gusti.
nalika upacara Grebeg Mulud, Grebeg Pasa, aln Grebeg Besar gaemelan sing dipikul kanggo ngiring metune gunungan. Anggone mikul nganti teka plataran Masjid Agung. Semono uga nalika bali angadhaton gamelan iki tetep diunekake amarga ana gunungan sing dikersakake bali menyang kadhaton saperlu dipurak para sentana lan abdi dalem.
Ing jaman biyen nalika pinuju ana tamu saka gupermen ngestreni jumenengan pranatane gamelan Carabalen diunekake ngungkung dijumbuhkake urut-urutane lakune kangjeng Tuan Residen apadene Kangjeng Tuan Gubernur, sakliyane gamelan Carabalen lan kodhok ngorek sing mapan ana Kasunanan lan Mangkunagaran sejatine isih ana maneh gamelan kanggo maleman ing Sriwedari. Gamelan iki mung diunekake mung setaun sapisan suwene seminggu nalika Maleman Sriwedari wiwit malem 21 ing sasi Pasa. Gamelan yasan Dalem Sinuhun Pakubuwana X iki wis ora pepak maneh. Sebageyan wis murca ora karuwan dununge.
Gamelan maleman iki statuse pancen ora jelas lan mung dipapanake ana gudhang dadi siji karo barang-barang abrakan liyane. Gamelan iki cetha duweke kadhaton apa wis mlebu ing inventaris pengelola Taman sriwedari. Mula nalika ilang ora ana sing ngerti lan nganti saiki  sajake isih tetp kelangan lacak during bali menyang papane sekawit.

Faizal Rahmat (08205244001)

0 komentar

KORUPTOR LAN PENJUDI NYEKEL PANGUWASA

Posted by Jagading Wacana Label:




Katone aneh lan ora tinemu nalar. Kaya lakon ing jero dongeng wae. Nanging pranyata ing jaman saiki, lan ing nagara kita dhewe, Republik Indonesia. Kahanan iki diungkapake dening Ketua Umum PB NU KH Hasyim Muzadi dina selasa ing Surabaya.
Akhir-akhir iki KH hasyim Muzadi pancen kanthi gencar nggelar kampanye gerakan “anti korupsi busuk”. Lan ungkapane Hasyim Muzadi mau dudu waton omong, nanging didhasari fakta-fakta ing lapangan.
Miturut muzadi, wektu iku kekuwasaan ing Indonesia kena diarani wis ora ana ing tangane parpol (partai politik), nanging ana ing tangane para koruptor lan penjudi. Oknum-oknum iku kang saiki nemtokake kekuwasaan ing Negara kita. Eksistensine parpol lan moral politik akhir-akhir iki ngadhepi ancaman, utamane yen ngelingi anane kasus-kasus ngenani proses-proses pilkada (pilihan kepala daerah). Kang nemtokake kemenangane kepala daerah (gubernur, bupati, walikota) wis dudu parpol maneh, nanging kekuwatan-kekuwatan kang ana ing saburine geber, kang ora liya dumadi saka koruptor-koruptor lan pejudi-pejudi kang dhuwite pancen sathekruk, saengga keconggah “nuku” parpol.
Pemain-pemain loro ing saburine geber mau nganakake delegimitasi tumprap kepala daerah kang kepilih, sebab pemain-pemain loro mau pancen uga kaconggah “niku” bupati utawa gubernur. Saiki coba kita bayangake, papa bakal dadine menawa kepala daerah tundhuk lan luwih loyal marang wong-wong saburine geber kang nyeponsori pencalonanenganti bisa kapilih? Bacute, yen koruptor utawa penjudi kang “nimbali”, mesthi bakal teka. Nangin yen sing manggil gubernur , bupati during mesthi gelem teka, kanthi alesan “otonomi daerah”. Umpamane wae, pemain loro saburine layar mau duwe dhuwit Rp 1 triliyun, anake kang gedhene udakara Rp 250 milyar wae utawa kepara luwih, wis bakal bisa njalari mripate uwong malih “ijo” utawa dadi “linglung”.
Istilahe saiki iki, pancen “dhuwit iku maha kuwasa”. Yen kita gelem niteni, pira wae kasus-kasus pilkada kang mesthi dikantheni mawa politik dhuwit. Mula kaya ora nggumunake, yen ana sing ngarani, menawa akhire dhuwit kang nemtokake dadi lanorane sawijining calon kepala daerah.
Yen wis ngene iki, banjur ana ngendi papane demokrasi lan kedaulatan rakyat rikala proses pemilihan kepala daerahwis diarahake dening pihak-pihak kang sugih dhuwit, sugih bandha-bandhu? Kawibanane pimpinan parpol lan atasan presasat wis ilang, utawa saumpama ora ilang, kaya-kaya wis ora ana ajine, sebab wong-wong mau wis kadhung kecemplung ing pola permainan kang diciptakake dening para koruptor lan penjudi.
Mula saka iku, kanthi nggunakake system pemilihan secara langsung, suwarane rakyat rasane bisa luwih nemtokake. Praktek politik-politik dhuwit pancen uga during ilang, nanging saora-orane wis ora pati efektif. Jalaran kepriye-priye angel banget yen arep “nuku” suwarane pemilih kang cacahe pirang-pirang yuta iku. Ing pemilu2004 sistem pemilihan Presiden lan wakil Presiden bakal dianakake mawa system pemilihan secara langsung. Ing system iki kapitayan lan kredibilitas sarta legimitasine kang diwenehake marang tokoh kang kapilih bakal gedhe banget, utamane ing babagan merjuwangake kepentingan lan nasibe rakyat cilik.
Ing rerangken iki, saiba becike menawa system pemilihan secara langsung iki uga dicakake ong pemilihan kepala daerah, pa iku gubernur, bupati, apa wali kota. Kanthi mengkono, para pemilik modhal, klebu para koruptor, penjudi lan “pengusaha-pengusaha hitam”, saora-orane saya sithik kemungkinane melu “main” lan nemtokake, sapa bakal luwih ngutamakake kepentingan konstituen utawa masyarakat kang milih dheweke. Sesanggan psikologis utawa rasa “kepotangan budi” marang seponsor kang wis kelumrah akhir-akhir iki, saora-orane bakal bisa disingkiri.
Timbul pitakon, apa kanthi cara mengkono mau KKN (korupsi, kolusi, nepotisme) banjur bisa ilang karepe dhewe? Ya terang ora. Nanging kaya kang wis kita aturaken ing ndhuwur, sarta langkah-langkah tumujurah kang luwih becik saya bisa diarep-arep.
Pemilu pancen mujudake salah sijining momentum kanggo merjuangake kabeh mau. Nanging banjur apa gunane Pemilu yen sing menangmalah politikus-poplitikus”busuk”, lan sing kuwasa malah banjur koruptor-koruptor lan penjudi-penjudi kang kita sebut ing ngarep mau? Iku tegese, Pemilu minangka momentum kanggo becikake kahanan, bisa dianggep pemilu wis gagal total.  

 Faizal Rahmat (08205244001)

0 komentar
Posted by Jagading Wacana Label:

JIWA SENI ING SANUBARI SLAMET HARYADI TANSAH MUBAL
Foto Bp. Slamet Haryadi ingkang nembe dados dalang
Bapak Slamet utawi jangkepipun Bapak Slamet Haryadi S.pd ingkang gadhah raos jiwa seni wonten salebeting sanubari ingkang sampun rinaket kawit rumiyin. Kelairanipun Bapak Slamet Haryadi menika wonten Gunung Kidul, 12 september 1953 ingkang asli saking tlatah dhusun Wiladeg, desa Wiladeg karangmojo Gunung Kidul Yogyakarta.
Bapak Slamet Haryadi kawit cilik menika ngangsu kawruh wonten ing SD taun 1966. Lajeng dipun lajengaken wonten ing SMP taun 1969 saha wonten SMA taun 1972. Amargi pendidikan menika wigati sanget tumrap bapak Slamet Haryadi nglajengaken anggenipun ngangsu kawruh wonten ing IKIP Kristen Satyawacana Salatiga taun 1976, mboten mandeg wonten ing sarjana muda bapak Slamet Haryadi nglajengaken anggenipun ngangsu kawruh wonten ing IKIP Yogyakarta taun 2000 ingkang samenika sampun dados UNY.
Saking ngangsu kawruhipun bapak Slamet haryadi menika kathah ngelmi-ngelmi ingkang dipun angsalaken saking penidikan utawi jawi pendidikan kangge dipun cak – cakaken dening bapak Slamet Haryadi saha wonten panggesangan social. Alhamdullilahipun amargi saking menika wau bapak Slamet Haryadi saged dados guru wonten ing SPG BOPKRI Ponjong saking taun 1976-1991 lajeng dipun pindah wonten ing SMA Bhinakarya II Wonosari 1991-1992 namung setunggal taun. Bapak Slamet ingkang gadhah dedikasi menika dipun pindah saking guru dados Penilik Kebudayaan Kandepbud Gunungkidul taun 1992 – 2001 (9 taun). Lajeng dipun pindah dados Kepala Cabang Dinas Pendidikan Kecamatan tepus saking taun 2001 – 2007. Wonten ing lampahing wekdal Bapak Slamet Haryadi menika dipundadosaken Kepala UPT TK / SD kecamatan Gedangsari  saking taun 2007 ngantos 2009 lajeng  dipunpindah wonten ing Semanu inggih taksih sami jabatanipun inggih menika dados Kepala UPT TK / SD  saking taun 2009 ngantos purna inggih ( 8 sasi ).
Wonten ing panggesangan saking pendidikan, bapak Slamet Haryadi menika inggih remen kaliyan donya seni budaya saking dhalang, tari, wayang uwong, saha mlebet organisasi ingkang taksih wonten gegayutanipun kaliyan seni budaya. Gegandhengan bapak Slamet Haryadi menika “Multitalenta” wonten ing dalemipun pak Slamet menika wonten sanggar pedalangan pangalasan ingkang samenika deados Pembina saha pendiri saking taun 1999 ngantos samenika.


Foto Sanggar Pedalangan Pangalasan
Salajengipun Bapak Slamet menika inggih dados guru tari saking taun 1974 – 2004 amargi bapak Slamet menika inggih dados pendiri Wayang Wong  “Kendalisada” wonten ing karangmojo saking taun 1995 saha pendiri seni karawita  “Laras Jawi” wiladeg ingkang tasih eksis ngantos samenika.
Foto Sanggar Karawitan “Laras Jawi”
                             
               
                      Foto Bp. Slamet rikala beksan  Ringgit Tiyang
                                                     

                       Foto kethek Ogleng, Bp. Slamet Haryadi wonten ing sisih kiwanipun Kethek Ogleng.

 Sasnesipun dados pendiri sanggar Bapak Slamet menika inggih tumut Dalang wayang Purwa saking taun 1984, dalang wayang Beber saking taun 2003, Pelestarian kethek Ogleng, pengurus PEPADI (persatuan pedalangan Indonesia)Komda Gunungkidul, pengurus Dewan Kebudayaan kabupaten Gunungkidul, Pengurus Dewan kesenian kabupaten Gunungkidul. Wonten ing wekdal – wekdal punika asring pentas ringgit tiyang wonten ing taman budaya,Ngayogyakarta saha pentas kethek Ogleng wonten ing kitha – kitha ageng (Jakarta, Surabaya lsp.) . Saking menika wau Para guru MGMP kabupaten Gunungkidul menika asring latihan wonten ing sanggar karawitanipun bapak slamet.
Saking kenthelipun saha remenipun wonten ing donya seni kabudayan menika bapak Slamet Haryadi wonten ing tanggal 12 ngantos 15 januari 2008 menika dipundadosaken Duta Seni Indonesia wonten ing Myanmar wonten ing acara Festival wayang ASEAN inggih menika Pentas Wayang Beber. Saha Pikantuk penghargan saking Menteri Kebudayaan dan Pariwisata Republik Indonesia taun 2008, 10 Desember dados Pelestari dan Penembang Warisan Budaya.


BIOGRAFI TOKOH
Dening : Widha Prastawa (10205244005)



0 komentar

Nama Kula Asih Suwiryo

Posted by Jagading Wacana Label:


Asih Suwiryo menika putri ingkang nomer setunggal saking pasangan Suwiryo kaliyan Retno. Asih menika gadhah adhik ingkang namanipun Prawito Suwiryo. Ibunipun Asih sampun seda gangsal taun kepungkur, rikala nglairake Wito. Amarga Wito tasih alit lan boten wonten ingkang ngurusi Bapakipun Asih lajeng nikah malih kaliyan Sutri. Sutri menika janda ananging boten kagungan putra. Kaluwarganipun Asih kagolong kaluwarga ingkang kagungan. Bapak ipun Asih makarya wonten ing Kalimantan usaha sade batu bara. Amarga kuwi Asih kaliyan Wito asring dipuntilar Bapakke lan tinggal kaliyan Ibu Tirinipun.
Ing dinten menika Asih kalian Wito saweg dolanan. Ananging boten dipunsengaja Wito nyenggol guci ingkang dipunremeni kaliyan Ibu tirinipun.
“Prangggg”, pecah
Asih kaliyan Wito pandeng-pandengan. Wito gemeteran ngrangkul mbakyune kenceng banget. Asih ngraos sanget menawi adhikipun wedos sanget. Lajeng Asih kaliyan Wito sami-sami sepakat boten badhe matur kaliyan Ibu tirinipun.
Bibar Ashar, Ibu menika kondur saking peken. Ibu ningali menawi guci ingkang ngajeng umah menika pecah.
“Asihh... Witoo.... Rene cepet”, pandhawuhe Ibu.
“Nggih Bu,”Wangsulane Wito kaliyan Asih kanthi kamiweden.
“Sopo sing mecahke guci iki?”, Pitakone Ibu kanthi nesu-nesu amarga guci ingkang dipunremeni pecah.
Asih kaliyan Wito namung meneng boten mangsuli piatkenanipun Ibu.
“Nek ora ana sing ngaku, arep tak ukum kabeh, ora ulih do mangan sore iki. Ben do keluwehen.”, Pangucape Ibu kanthi ngancem Asih lan Wito.
“Kula Bu..”, Wangsulanipun Asih. Asih menika boten tegel menawi adhine boten nedha kamangka adhine tasih alit kedah betahaken gizi ingkang cekap. Asih ugi mikir adhine boten bakal kiyat nahan luwe.
“Bukak tanganmu”,  Pandhawuhe Ibu. Ibu sampun siap nyekel sulak .
“Plak..plak..plak...”, sulak menika disabetake ana ing tlapak tangane Asih. Asih netesake luhhe lan lambene ngrintih nahan lara. Wito boten tahan ningali Mbakyune disabeti kaliyan Ibu Tirine. Amarga saking wedine, Wito namung saged nahan nangis lan mlayu wonten ing kamar.
Wengi iku Wito nyuwun pangapura kaliyan mbakyune. Amarga kaluputane mbakyune kudu nanggung resiko kang gedhe. Sanajan tasih alit Wito ngrasa salah kaliyan mbakyune. Dheweke ngrasa yen kudune dheweke kang disabeti wau dudu mbakyune.
“Mbak..”, Pangucape Wito
“Nopo dhe”, wanguslane Asih
“Nyuwun pangapunten nggih Mba. Kedahipun kula kang disabeti Ibu Wau”, Pangucape Wito karo mingseg-mingseg.
“Boten menapa-napa dhik. Mbak menika sampun janji kaliyan almarhum Ibu badhe njagi Wito”, Wangsulane Asih.
Asih kaliyan Wito lajeng rangkulan.
Wektu sansaya mlaku, Wito sansaya gedhe lan kedah mlebet sekolah dasar. Wito menika kagolong lare ingkang pinter kabukten rikala wonten ing Taman Kanak-Kanak, Wito kagolong murid ingkang berprestasi.
Asih tasih kelingan sanget, wektu kuwi saweg jamane krisis moneter. Kathah usaha ingkang gulung tikar, kalebet usahanipun Bapak. Wektu kuwi jam 12.00 wengi, ndilalalah Asih arep mundhut ombe ana ing dapur. Boten dipunsengaja, Asih mireng Bapak kaliyan Ibu padhu amargi masalah dhuwit. Lagi kahanane kaya ngene Ibu ora kepengin nyekolahke Wito ananging Bapak kepengin Wito sekolah lan pikantuk pendidikan.
Asih kepikiran masalah kuwi. Kangge solusi masalah menika, kedah wonten kang ngalah antawisipun Asih kaliyan Wito. Asih mikir yen dheweke boten kenging egois, dheweke ora tegel yen ninggali impenane Wito anggone mlebet sekolah ajur mumur.
“Pak.....”, Pangucape Asih.
“Ana apa Sih”, Wangsulane Bapak.
“Pak Asih boten sah nglajengaken SMA mawon?”, Panjaluke Asih.
“Opo Sih?? Bapak ki kepengin kowe ki luwih pinter saka Bapak luwih bisa dhuwur ekonomine saka Bapak.”
“Ananging Pak..... Sakderenge kula nyuwun pangapunten, wau dalu kula mireng pangandikanipun Bapak kaliyan Ibu. Kula namung boten tegel Pak kaliyan Wito.” Pangucape Asih
“Masalah kuwi ojo mbok pikir. Bapak isih iso mikir kanggo kowe lan Wito. Sing penting saiki, kowe karo Wito bisa sekolah kanthi dhuwur. Kuwi janjiku karo almarhum Ibumu.”Wanguslane Bapak. Bapak boten kiat anggenipun nahan rasa trenyuh amarga krungu pangorbanan ingkang badhe dipuntindakake kaliyan putrinipun.
Masalah Ekonomi wonten ing kaluwaragane Asih sansaya akeh. Bapakke Asih kedah utang kaliyan tiyang kathah kangge nyekolahake Asih kaliyan Wito. Ditambah maneh Ibu tirine Wito kaliyan Asih lunga saking umah amarga boten tahan kaliyan masalah ekonomi ingkang saweg dipunalami. Amargi rikala rumiyin pakulinana urip ingkang kepenak.
Asih sansaya suwe ora tegel ninggali Bapakke pontang-panting kerja. Pasuryane Bapak katon pucet amarga biyen boten biyasa makarya ingkang abot saiki kedah makarya menapa kemawon sing penting pikantuk arta. Lajeng Asih mikir pripun carane kangge mbiyantu Bapak. Asih kepikiran yen dheweke isa gawe les-lesan wonten ing dhusune. Wiwitane Asih rada ora yakin ananging kedah dipuntindakake demi Bapak lan Wito.
Asih nawar-nawarake les-lesane kaliyan tangga sakkiwa tengene. Awale muride namung loro terus saklajengipun nambah lan nambah. Amarga bocah loro mau prestasine sansaya munggah sasampunipun diles kaliyan Asih. Asih anggenipun ngeles bocah-bocah kuwi, Asih boten mathok upah. Kersanipun tiyang sepuhipun lare-lare badhe maringi pinten. Sok-sok wonten tiyang sepuhipun ingkang maringi gula, teh kaliyan kasil panen. Menawi mekaten Asih tetep nampi kanthi ikhlas lan lila legawa.
Saking upah, Asih wiwit nabung kangge modal usaha sanesipun. Tabungane Asih menika dipunperang dados kalih. Setunggale kangge Asih, satunggale malih kangge Wito. Wito rikala semnaten kepengin ngingu pithik.
“Wito, kepengin ngingu pithik to?”, Pitakone Asih.
“Nggih Mbak, badhe Wito ternakke. Mangke menawi pithikke sampun kathah saged dipunsade Mba,” Wanguslane Wito.
“Wah... pinter sanget Wito ki. Tasih alit ananging pikirane kadosta tiyang ageng,” Pangucape Asih.
“Wito kan kepengin kados Mbak Asih”, Wangsulane Wito.
“Hahaha.... Sesuk nek Wito juara setunggal, Mbak janji badhe numbasaken Wito pithik sakpasang,” Janjine Asih.
“Horeeeeee.......”, Wangsulane Wito katon seneng banget.
          Dinten menika Wito nampi rapot. Asih sampun nyiapake pitik wonten ing kandhang wingking. Sanajan Wito boten pikantuk juara setunggal ananging Asih tetep badhe maringi pithik wau. Katon bungah sanget rikala Wito nampi pithik saking Mbakyune, ditambah maneh Wito saged pikantuk juara setunggal wonten ing kelas.
          Tabunganipun Asih kangge usaha sade alat-alat tulis kaliyan jajanan pasar. Alhamdulilah sakmenika Asih saged pambiyantu Bapak ngirangi kabtehan ekonomi. Asih ugi saged paring manpangat kangge masyarakat amarga ngeles lare-lare saengga prestasi wonten ing sekolah menika minggah.

 CERKAK 
DENING : LENI TRI YULIANINGSIH (10205244016)

0 komentar
Posted by Jagading Wacana Label:


DITEKANI NYI RORO KIDUL
 Ana ing sawijining dina aku (Maryani) dilamar karo kakang IP ku(Sumarto) . sakdurunge blabar – blabar, rumiyin Sumarto iku bojone mbak yu ku kang jenenge Risa . Saka kramane Sumarto karo mbak Risa mau wis duwe anak lanang kang jenenge Satria. Satria iki ming anak tunggal . Satrio iku isih TK.
Ana ing tahun 2002 mbakyu ku iki divonis dokter loro kanker. Krungu sedulur sanak kadang, ibu, bapak,mertua kabeh podho kaget mergo kuwi mau . Wes di operasi , digowo nang gone wong pinter  ora mundak . Akhire Bobi  lan sak sedulur e podho pasrah amargo wes ora ana pangarep – arep yen isih bisa nerusake urip ing donya iki .
Ing pertengahan sasi agustus mbayu ku mau wis dipundhut dhateng Pangeran .Kabeh para sedulur lebur dadi siji padha nangsi mbakyu ku mau, amarga akeh tumindak becik kang isih kelingan  tumrap wong sapadha .
Ora let suwe saka tilar donyane mbakyu ku mau, kira – kira ana 10 sasi aku dilamar karo Sumarto mergo satrio  isih cilik lan simbah e wes sepuh  yeng ngewangi Sumarto ing urusan masak lan liya liyane.
 
Sumarto: “Dik Maryani kowe gelem ora nggenteni Risa dadi ibune Satrio?”
Maryani :” heh………………!Mas aku iki adhimu IP! Mengko piye karo Satrio,bapak ibu lan para sedulur?”
Sumarto:” Dik, yen kowe gelem karo aku satrio mesthi bakal narimo raketan bocahe rada nggrudel sethithik, mengko mesthi bakal narimo sautuhe..”
Maryani:”Bapak lan ibu piye mas…?”
Sumarto:”Wes mengko aku tak matur karo bapak yen aku mutus kaya ngene mergo Satrio.”
Maryani:”Y owes mas aku manut panjenengan mawon.”
Ora let suwe mas Sumarto matur karo bapak yen arep nikah karo aku. Mergo ngerti alesan mau, bapak ngrestoni yen aku dipek  mas Sumarto dadi bojone.
Mergo bapak wes ngewenehi restu marang aku lan  mas Sumarto, langsung sasi candake aku ijab karo mas Sumarto. Nanging ana ing tengah wengi rong dino sadurunge aku ijab karo mas Sumarto aku turu, nanging aku krasa ana kang nindihi aku.

Maryani: ”Duh Gusti iki apa ya kok abot banget..!”

Mripat ku delok ing pojokan ana wong wadon nganggo kemben ijo  dhuwurane  warna emas lan nganggo mahkota.
Maryani:”nyuwun ngapunten sinten nggih….!” Suaraku ora iso ngomong sero, nanging lirih lan serak. Aku nekoni wong wadon mau mboh wes ping 5 punjul blas ora nyauri.
Aku langsung nyebut marang gusti  ora let suwe wong wadon mau ilang.Aku langsung gregah, tangi, mbatin apa kang ana ing klamar ku.
Esukke aku ora crita – crita marang sapa wae babagan kuwi. Tekan sadurunge ijab aku durung wani crita marang sapa – sapa.Sawise rampung ijab lan resepsi, aku lagi wani crita marang wong tua lan simbah babagan wong wadon mau.
Maryani:”Pak, bu, mbah ,kula kala 2 dinten saderengipun ijab menika dalunipun kulo mbuh ngimpi menapa boten  kula menika weruh wong wadon ngagem ageman kemben ijem lan inggilipun emas ngagem mahkota menika menapa njih?, saestu kula ngoplok ndeleng menika wau lha lajeng saget ical ngaten e……….!??”
Simbah:”Ooooooooalahhh nok ..!!... kuwi kanjeng ratu kidul…..!!”
Maryani:” haaaaaaaaaaaaaaaaaaaaaaaaaaaa……!!...saestu mbah………..?”
Simbah:” tenan kuwi nok aku yo wes tau ditekani kaya mangkana pas arep rabi karo mbahmu kakung biyen…!
Maryani:”lajeng menika pratandha menapa?”
 Simbah:”Kuwi pratandha becik nok, kuwi tanda yen kowe lan bojomu diparingi restu anggone        bebojoan.”
Maryani:” menapa kok kanjeng ratu menika saged ngaten menika?”
Simbah:”Nah kuwi amarga suargi mbah buyut u iku isih keturunane Kraton.”
Maryani:” oalah ngaten to ..!!”
Amarga dicritani karo simbah atiku banjur ayem lan aku batin jebulane ngono kuwi ta sejarahe kok aku iso ditekani karo kanjeng ratu.
CERKAK
Dening:Widha prastawa
NIM    :10205244005
                        G

0 komentar
Langganan: Postingan (Atom)